’حکومت سرکاری ملازمین کی تنخواہوں میں فوری طور پر 40 فیصد اضافہ کر رہی ‘ اعلان ہو گیا

اسلام آباد.وفاقی وزیر ریلوے شیخ رشید نے کہاہے کہ حکومت سرکاری ملازمین کی تنخواہوں میں فوری طور پر 40 فیصد اضافہ کر رہی ہے ۔

نجی ٹی وی جیونیوز سے خصوصی گفتگو کرتے ہوئے شیخ رشید کا کہناتھا کہ ہم نے ملازمین کے ساتھ صحیح طرح ڈیل کی ہے اور 95 فیصد کی تنخواہیں بڑھا رہے ہیں ،آخری وقت میں ہم نے میڈیا کو بھی بلایا تھا تاکہ نوٹیفیکیشن جاری ہوجائے۔انہوں نے کہا کہ 16 گریڈ کے لیے ملازمین سے بات چیت ہو رہی تھی، جب نوٹیفکیشن کا وقت آیا تویہ لوگ چاہ رہے ہیں کہ 22گریڈ تک بڑھایا جائے، 17 سے 22گریڈ کے درمیان بہت بڑا فرق پیدا ہو جاتا ہے۔

وزیر داخلہ کا کہنا تھا کہ مرکزی ملازمین کا 95 فیصد بنتا ہے، 3لاکھ73ہزار لوگوں کی تنخواہیں ہم اوسطاً 40 فیصدبڑھانے کو تیار ہیں، یہ لوگ مزید5فیصد چاہتے ہیں جس سے اربوں روپے کا فرق پڑتا ہے، 3لاکھ70ہزار لوگوں کی تنخواہوں میں 60 فیصد کا فرق ہے، 40 فیصد تنخواہیں ہم فوری بڑھانے لگے ہیں۔شیخ رشید نے کہا کہ صوبے آدھی تنخواہیں لے رہے ہیں اور یہ صوبوں کا مسئلہ ہے، ہم صوبوں میں احکامات جاری نہیں کر سکتے۔

اپنا تبصرہ بھیجیں